XA ESTAMOS DE VOLTA!

Bos días a todas e todos, despois destas vacacións continuamos con ánimo e sairemos adiante desta excepcional situación. 

 Para comezar propoñémosvos a seguinte actividade.

Como quedamos na casa. a lectura é unha das actividades que máis nos axudan a manternos ben, a facilitar os momentos de lecer, a compartir coa familia,...

Podemos remitir unha foto deses momentos lectores en familia (cada persoa da casa le no seu, unha persoa le para todas e todos, nenas e nenos len para maiores, maiores len para as pequenas e os pequenos,... Hai múltiples posibilidades). Cadaquén co que máis lle guste ler (libro, cómic, receitas, xornal,...) e onde máis lle apeteza facer lectura (sofá, alfombra, cadeira,...), servirá de suxestións lectoras para o resto de persoas da comunidade escolar.

Para iso, se vos apetece colaborar...:

1. Poñeremos un título á nosa foto e colocaremos os datos da lectura que estamos a facer.

Farémolo nun Impress que gardaremos como PDF.

Para iso, ides a FICHEIRO e seleccionades EXPORTAR COMO PDF.

2. Remitiremos por correo (se nos é posible antes do día 22 de abril) o arquivo PDF ao correo do noso blog:

tresanosvilaverde@gmail.com

Recordade que en ASUNTO debedes poñer o voso nome.