DÍA DA CHOCOLATADA E...

CANTAS COUSAS ESTA MAÑÁ! EMPEZAMOS COA VISITA DO ALUMNADO DE 1º QUE VIÑERON FELICITARNOS AS FESTAS E AGASALLÁRONNOS CUNHAS FERMOSAS TARXETAS DE NADAL, NÓS TAMÉN LLES TIÑAMOS UNHAS NAS QUE LLE DEBUXAMOS AO RENO RODOLFO. FOI TODO MOI BONITO. GRAZAS NENAS, NENOS E PROFES ..
..
DESPOIS AS NENAS E NENOS DE 3 ANOS TAMÉN VIÑERON PARA FELICITARNOS O NADAL,GOZAMOS CO SÚA PANXOLIÑA "EL BURRITO SABANERO", NÓS CANTÁMOSLLES "RODOLFO EL RENO" QUE NOS ENSINOU A PROFE DORI. ..
..
E DESPOIS DE TANTA FELICITACIÓN... UNHA GRAN CHOCOLATADA, QUE COMA TODOS OS ANOS NOS PREPARA A ANPA E NOS SERVE O ALUMNADO DE 6º, E TAMÉN UNHA ESPERADA VISITA, ESTE CURSO TOCOULLE VIR A PAPÁ NOEL.GRAZAS A TODOS E TODAS..
. ..
REMATAMOS COA CELEBRACIÓN DOS ANIVERSARIOS DESTE MES DE DECEMBRO.

ANIVERSARIOS DECEMBRO

E XA PARA REMATAR ESTE ANO 2013, ENSINÁMOSVOS AS FOTOS DAS NENAS E NENOS QUE NESTE MES DE DECEMBRO CUMPREN 5 ANOS..
MOITÍSIMOS PARABÉNS PARA TODAS E TODOS! E TAMÉN ... BO NADAL E PRÓSPERO ANINOVO!.

UN SAPO NA CLASE

KIRIAN TROUXO Á CLASE UN SAPO QUE SE METEU NA GARRAFA DE AUGA CANDO A SÚA MAMÁ A ESTABA COLLENDO NA FONTE. OBSERVÁMOLO, VIMOS COMO ERAN AS SÚAS PATAS, OS SEUS OLLOS... E DESPOIS, OUTRA VEZ O SAPO PARA O SEU MEDIO.

ACTIVIDADE CO ALUMNADO DE 5º A E 5ºC

HOXE TIVEMOS UNHA ACTIVIDADE ESPECIAL, POR UNHA HORA AS NOSAS PROFES E OS NOSOS PROFES FORON AS NENAS E OS NENOS DE 5º DE PRIMARIA,ENSINÁRONNOS DE MANEIRA MOI PRÁCTICA CANTO MEDÍA PUPPY DE ALTO E TAMÉN DE ANCHO.

EXPOSICIÓN SOBRE O PAÍS VASCO AOS NENOS E NENAS DE 2º

COMO XA REMATAMOS O NOSO PROXECTO E AS NENAS E NENOS DE 2º DE PRIMARIA ESTUDARÁN SOBRE AS COMUNIDADES AUTÓNOMAS, APROVEITAMOS PARA CONTARLLES TODAS OU CASE TODAS AS COUSAS QUE APRENDEMOS SOBRE O PAÍS VASCO.

TARXETAS DE NADAL

AS NENAS E NENOS DE 5 ANOS PARTICIPAMOS NUN CONCURSO DE TARXETAS DE NADAL PARA TODO O COLEXIO.

DE TODAS AS TARXETAS DE EDUCACIÓN INFANTIL, SÓ UNHA SERÁ A ELEXIDA PARA ILUSTRAR A FELICITACIÓN DE TODO O "COLE" PARA AS FAMILIAS.

TODAS QUEDARON MOI BEN, MIRÁDEAS.

E CON CHAPELA E TODO

A SEMANA PASADA, O NOSO COMPAÑEIRO NICOLÁS, TROUXO UNHA CHAPELA AO COLEXIO.
DESPOIS DE TODO O QUE XA SABEMOS SOBRE O PAÍS VASCO, DECIDIMOS FACERNOS UNHA FOTO COA CHAPELA PARA REMATAR ESTE PROXECTO.
QUE TAL NOS QUEDA?

PASE MISÍ

XA PARA REMATAR A ACTIVIDADE DE XOGOS POPULARES TIVEMOS HOXE A ANA, QUE É A TÍA DE AITANA. ELA ENSINOUNOS A XOGAR A "PASE MISÍ PASE MISÁ".br /> ALGUNHAS NENAS E NENOS XA COÑECÍAN O XOGO PERO CON TODO E CON ISO ESTIVEMOS XOGANDO UN POUQUIÑO.
AO FINAL PASÁMOLO MOI BEN, LÁSTIMA QUE O TEMPO REMATARA!.
GRAZAS ANA.

ANIVERSARIOS DE NOVEMBRO

REMATAMOS O MES DE NOVEMBRO COA CELEBRACIÓN DE 4 NOVOS ANIVERSAIOS, OS DE DIANA, PABLO, SARA E NICOLÁS.
MOITÍSIMAS FELICIDADES AOS CATRO, AÍNDA QUE SE CADRA, XA O CELEBRASTES COAS VOSAS AMIGAS E AMIGOS.

ELABORAMOS UN PINCHO DE FROITA

O PAÍS VASCO É COÑECIDO POLA SÚA ELABORACIÓN DE PINCHOS..
NÓS TAMÉN ELABORAMOS O NOSO PINCHO. UN PINCHO DE FROITA!.
AS "PROFES" ENCARGÁRONSE DE TRAER ALGUNHAS FROITAS QUE SAÍRON NO OBRADOIRO "SON SAN": MAZÁ, KIWI, ANANÁS, UVAS, PLÁTANO E MANDARINA..
5 ANOS B, ELABOROU O SEU PINCHO O XOVES E 5 ANOS A, O VENRES..
DESPOIS DE LAVARNOS AS MANS, PELAR E CORTAR AS FROITAS, COMEZAMOS A MONTAR O NOSO PINCHO..
TAMÉN TIVEMOS A VISITA DAS NENAS E NENOS DE 4 ANOS PORQUE QUERÍAN SABER QUE FROITAS PUXEMOS NO NOSO PINCHO. SEGURO QUE ALGÚN QUEDOU CON GANAS DE PROBALO!.
CADA UN ELABOROU O SEU PINCHO COMO QUIXO, UNS REPETIRON E OUTROS ATREVÉRONSE A PROBAR FROITAS QUE NON PROBARAN ANTES COA SORPRESA DE QUE ... ESTABA BOÍSIMO!!.
ASÍ QUE MAMÁS E PAPÁS, XA SABEDES, A ESTAS NENAS E NENOS TAMÉN LLES GUSTA A FROITA!!.

DÍA DA PALABRA

O 23 DE NOVEMBRO TODO O COLEXIO FESTEXOU O DÍA DA PALABRA.
A NÓS, CHEGOUNOS UNHA CARTA DENDE MASCOTILANDIA NA QUE NOS EXPLICABA ALGÚNS TIPOS DE PALABRAS.NESTA CARTA, TODOS OS HABITANTES DE MASCOTILANDIA, INVITÁBANNOS A FACER UNHA SOPA DE PALABRAS..
DÉRONNOS A POTA E ... .
... AS PALABRAS PUXÉMOLAS NÓS..
ALÁ VAN!.

O XOGO DO BOTE

DANIEL E MARÍA, OS PAIS DE MIGUEL DE 5 ANOS E ÁLEX DE 3º DE PRIMARIA VIÑERON AO "COLE" A EXPLICARNOS COMO SE XOGABA A UN XOGO CHAMADO "O BOTE". DURANTE UN TEMPO OS NENOS E NENAS DA CLASE A, FOMOS POLICÍAS E TIÑAMOS QUE COLLER AOS CACOS, QUE ERAN OS NENOS E NENAS DA CLASE B. DESPOIS, CLARO ESTÁ, CAMBIAMOS OS PAPEIS.
PASÁMOLO MOI BEN PORQUE FOI MOI DIVERTIDO.
MOITÍSIMAS GRAZAS A MARÍA E A DANIEL.
NENAS E NENAS DE INFANTIL DE 5 ANOS.

XOGAMOS AO PANO

HOXE A MAMÁ DE JULIA VEU ENSINARNOS O XOGO DO PANO, TIÑAMOS QUE ESTAR MOI ATENTOS PARA QUE CANDO DIXERA O NOSO NÚMERO SAÍR CORRENDO A BUSCAR O PANO, SER O PRIMEIRO OU A PRIMEIRA EN COLLELO E DESPOIS VOLTAR PARA O NOSO SITIO SEN QUE NOS PILLARA A COMPAÑEIRA OU O COMPAÑEIRO DO EQUIPO CONTRARIO.FOI MOI DIVERTIDO, PASÁMOLO MOI BEN. GRAZAS MARÍA

MOCHILAS VIAXEIRAS

ESTA FIN DE SEMANA EMPEZAMOS A LEVAR AS MOCHILAS VIAXEIRAS Á CASA.
MIRADE CON QUE ILUSIÓN LEVAN AS MOCHILAS!
ESPERAMOS QUE AS DISFRUTEDES TANTO OU MÁIS QUE EN 4 ANOS E NON ESQUEZADES TRAELAS O XOVES PARA QUE OUTRAS NENAS E NENOS TAMÉN POIDAN DISFRUTALAS.
XA NOS CONTAREDES!

FESTA DO MAGOSTO

O DÍA 8 DE NOVEMBRO CELEBRAMOS O MAGOSTO NO COLEXIO..
ESE DÍA, DESPOIS DE TRABALLAR UN POUQUIÑO NAS AULAS, FOMOS COMER AS CASTAÑAS ASADAS NA HORA DA MERENDA QUE XA NOS TIÑAN PREPARADAS PACO MÁIS ALGÚNS NENOS E NENAS MAIORES..
Á VOLTA DO RECREO ESTIVEMOS XOGANDO CUNS XOGOS TRADICIONAIS: METER AROS NUNS PERCHEIROS, METER FICHAS NUNHA ZOCA, ....
PASÁMOLO DE MARABILLA..

SON SAN

O DÍA 6 TIVEMOS UN OBRADOIRO SOBRE ALIMENTACIÓN E HÁBITOS SAUDABLES.RAQUEL QUEIZÁN CONTOUNOS A HISTORIA DUN NENO CHAMADO XAN A QUEN NON LLE GUSTABA NADA DE NADA A FROITA, EL SÓ QUERÍA COMER PASTELIÑOS,ASÍ QUE SEMPRE LLE DOÍA A BARRIGA E TIRABA MOITOS"PEDETES",TIÑA UNHA COR MOI BRANCA E NUNCA TIÑA GANAS DE XOGAR NO PARQUE. TAMÉN ANDABA AO REDOR DEL UNHA MOSCA PESADA POIS CHEIRABA UN POUCO MAL, É QUE A XAN NON LLE GUSTABA NADA LAVARSE.UN DÍA ATOPOU CON XANA, ERA GUAPÍSIMA, DE MOITAS CORES,XANA...COMÍA MOITA FROITA, INVITOUNO A UN "PICNIC" DE FROITA, HABÍA UVAS, PLÁTANOS, MANDARINAS, SANDÍA, XAN PROBOUNAS, GUSTÁRONLLE MOITO. DENDE ENTÓN XAN ALMORZA TODOS OS DÍAS CUNHA PEZA DE FROITA.FIN

NENAS E NENOS DE 5 ANOS A E 5 ANOS B

ACTIVIDADE "ENSÍNANOS UN XOGO"

ONTE DÍA 4, DENTRO DA ACTIVIDADE "ENSÍNANOS UN XOGO" O PAI DE EVA E MARÍA VEU ENSINARNOS A XOGAR AO PARCHÍS, FOI MOI INTERESANTE, AGORA ÍMOLO PRACTICAR NO COLE E NA CASA COA FAMILIA.

EXPOSICIÓN DE CABAZAS

AS PROFES DE INGLÉS ANIMÁRONNOS A ELABORAR E DECORAR CABAZAS. MOSTRAMOS AS QUE FIXEMOS COA AXUDA DAS NOSAS FAMILIAS. HABÍA CABAZAS MOI ORIXINAIS, IMITANDO ANIMAIS, PERSONAXES DE CONTOS, PERSONAXES DA TELEVISIÓN...

ANIVERSARIOS DE OUTUBRO

AO REMATAR OUTUBRO CELEBRAMOS OS ANIVERSARIOS DE DESI E ALMUDENA.
MIRADE QUE CONTENTAS ESTÁN AS DÚAS!
MOITÍSIMAS FELICIDADES!

ANTÍO CHEGOU AO COLE

ESTA SEMANA CHEGOU ANTÍO... CLARO! É OUTONO E APARECEU PARA RECOLLER AS CASTAÑAS QUE TRAEMOS...
TAMÉN QUERE QUE LLE FAGAMOS CONTOS PARA CANDO CHEGUE O INVERNO, NÓS TEMOS QUE CONTINUAR UN CONTO QUE VAI CHEGAR DENDE CATRO ANOS...
FALARÁ DO OUTONO? DO MAGOSTO? DAS COMIDAS? DO PAÍS VASCO?,,,
TAMÉN IMOS APRENDER MOITOS XOGOS POPULARES, AS NOSAS FAMILIAS VAN VIR POLO COLEXIO PARA ENSINÁRNOLOS...
MENTRES TANTO SEGUIMOS INVESTIGANDO SOBRE O PAÍS VASCO...
TAN PRONTO POIDAMOS POÑEREMOS FOTOS DE TODO

LAMPI CELEBRA O DÍA DA BIBLIOTECA CONNOSCO

LAMPI ESTÁ DE CELEBRACIÓN.
ONTE CELEBROUSE O DÍA DA BIBLIOTECA.
LAMPI AGASALLOUNOS CUN CONTO E CUN TEXTO INSTRUTIVO PARA QUE FAGAMOS EXPERIMENTOS... PORQUE ESTE ANO NA BIBLIOTECA IMOS "LER CIENCIA"

NA CLASE APARECE A HISTORIA DUN PINGÜÍN

NESTA SEMANA UN PINGÜÍN APARECEU NA CLASE.
 APARECERON CARTEIS COA SÚA HISTORIA E IMAXES.
QUE LLE PASARÁ?

NO "COLE" TRABALLAMOS E TAMÉN XOGAMOS PARA APRENDER

NOS RECANTOS XOGAMOS E APRENDEMOS COUSAS:
- A COMPARTIR.
- A ORDENAR .
- A TRABALLAR CON CONTOS.
- E TAMEN CON NÚMEROS!
- A AXUDARNOS.
- A ESPERAR.
- A ESCOITAR.
- A RECOLLER ...

COMEZAMOS NOVO PROXECTO

ESTE CURSO OS NOSOS EQUIPOS ESTÁN FORMADOS POR COMUNIDADES AUTÓNOMAS. COMEZAMOS A INVESTIGAR SOBRE O PAÍS VASCO.
ENTRE TODOS E TODAS PENSAMOS QUE O QUE QUEREMOS SABER É ...
 - ONDE ESTÁ SITUADO?
 - SE FALAN GALEGO, CASTELÁN, ...?
 - SE TEN BANDEIRA E COMO É?
- COMIDAS TÍPICAS?
- PERSOAS FAMOSAS OU COÑECIDAS?
 - DEPORTES, XOGOS TRADICIONAIS, CANTIGAS, CONTOS, LENDAS, ...
- MONUMENTOS?
SE QUEREDES AXUDARNOS PODEDES MANDAR ALGÚN ENLACE, FOTOS OU OUTRA INFORMACIÓN DE INTERESE.

ANIVERSARIOS DE AGOSTO E SETEMBRO

HOXE ALGUNHAS DAS NOSAS NENAS E ALGÚNS DOS NOSOS NENOS MARCHARON MOI CONTENTOS PARA AS SÚAS CASAS.
CELEBRAMOS OS ANIVERSARIOS DOS MESES DE AGOSTO E SETEMBRO.
LEVARON UNHA COROA QUE FIXERON ELES E ELAS PERO ... AÍNDA HABERÁ ALGUNHA SORPRESA MÁIS.

1ª XUNTANZA COAS FAMILIAS NESTE CURSO

O DÍA 24 DE SETEMBRO TIVEMOS A 1ª XUNTANZA COAS FAMILIAS NESTE CURSO. FALAMOS DE MOITAS COUSAS E USAMOS ESTA PRESENTACIÓN. ENTRE MOITAS OUTRAS COUSAS INSISTIMOS NA IMPORTANCIA DE COLLER BEN O LAPIS

LEMBRANDO APÍPOLIS

HOXE TROUXÉRONNOS Á CLASE 3 CACHIÑOS DE PANAL DE ABELLAS. DOUS ESTABAN BALEIROS PERO PODIAMOS VER PERFECTAMENTE AS CELAS DAS ABELLAS. OUTRO ERA MOI GRANDE E ALGUNHAS CELAS ESTABAN TAPADAS POLAS ABELLAS CON CERA (INCLUSO TIÑA ALGUNHAS ABELLAS DENTRO!). QUE LEMBRANZAS! OS NENOS E NENAS DICÍAN: QUE BEN O PASAMOS EN APÍPOLIS, PROFE!

COMEZAMOS O CURSO NAS NOVAS AULAS

XA COMEZAMOS EN CINCO ANOS.
MIRÁDENOS NA CLASE!

IMOS COMEZAR EN CINCO ANOS

AS NOSAS MASCOTAS ESTANNOS AGARDANDO PARA COMEZAR O CURSO. O DÍA 11 XA NOS VEMOS E AGARDAMOS QUE AS MASCOTAS NOS CONTEN QUE FIXERON NAS VACACIÓNS.

VÉMONOS DENTRO DE POUCO!

FELIZ VERÁN A TODOS E A TODAS!!

DENDE INFANTIL DE 4 ANOS E DE PARTE DAS NOSAS MASCOTAS, TITÍ E KICO, DESEXÁMOSVOS QUE PASEDES UN FELIZ VERÁN. 
VÉMONOS EN SETEMBRO!!
E XA EN 5 ANOS!!!!!!

ANIVERSARIOS DE XUÑO E XULLO

PARA CELEBRAR O DERRADEIRO DÍA DO CURSO, TEMOS FESTA NO COLEXIO E NA NOSA AULA PARA FESTEXAR QUE ALGÚNS NENOS E NENAS DA NOSA CLASE CUMPRÍRON 5 ANOS.
NO MES DE XULLO TAMÉN CUMPREN ANOS OUTROS NENOS E OUTRAS NENAS PERO COMO NON TEMOS "COLE" IMOS CELEBRALOS HOXE TAMÉN.
POLO TANTO, MOITÍSIMAS FELICIDADES PARA TODOS ELES E TODAS ELAS!!

HOXE TEMOS VISITA ...

ESTA SEMANA ANDAMOS MOI ATAREFADOS E ATAREFADAS  REMATANDO OS TRABALLOS, GARDÁNDOOS NAS CARPETAS, ... E ADEMAIS HOXE TEMOS VISITA DOS NENOS E DAS NENAS DE 3 ANOS PORQUE QUEREN SABER COMO SERÁ A SÚA AULA DO CURSO QUE VÉN.

ESCULTURAS

DESPOIS DE CREAR OBRAS DE ARTE PICTÓRICAS, AGORA, ADENTRÁMONOS NO MUNDO DA ESCULTURA.
POR GRUPOS, TIVEMOS QUE POÑERNOS DE ACORDO PARA CREAR UNHA ESCULTURA E INVENTAR UN NOME PARA A NOSA OBRA DE ARTE.
ISO DE TRABALLAR XUNTOS E XUNTAS, AO FINAL, NON NOS RESULTOU TAN DIFÍCIL.

OBRAS DE ARTE

HOXE TRANSFORMÁMONOS EN PINTORES E PINTORAS E COMEZAMOS A CREAR AS NOSAS PRIMEIRAS OBRAS DE ARTE EN 3D. PLANIFICAMOS CON COIDADO ONDE ÍAN IR AS FIGURAS XEOMÉTRICAS EMPREGADAS E DESPOIS ... A ELIXIR UN NOME!
A MEDIDA QUE VAIAMOS INVESTIGANDO MÁIS SOBRE O TEMA, IREMOS EXPOÑENDO AS NOSAS OBRAS. DESEXAMOS QUE VOS GUSTEN!

XEOMETRÍA E ARTE

NESTE MES ESTAMOS A TRABALLAR COA ARTE E TAMÉN COA XEOMETRÍA.
SABEDES QUE HABÍA PINTORAS E PINTORES QUE USABAN FORMAS XEOMÉTRICAS? SABEDES QUE USAN CÍRCULOS?

O círculo na pintura from xianadecide

E TRIÁNGULOS?
NÓS ESTAMOS A IMITALAS E IMITALOS, VEREDES QUE MARABILLAS FACEMOS!

ANIVERSARIOS DE MAIO

PARECE QUE NON DÁ CHEGADO O VERÁN. MENOS MAL QUE OS NENOS E AS NENAS DO VILAVERDE SEGUEN MEDRANDO. ESTE MES DE MAIO TAMÉN ESTIVEMOS DE CELEBRACIÓNS, PORQUE ALGÚNS E ALGUNHAS FIXERON XA 5 ANOS. QUEREDES SABER QUEN SON?

CELEBRAMOS AS LETRAS GALEGAS 2013

ESTE ANO NO DÍA DAS LETRAS GALEGAS IMOS LEMBRAR A ROBERTO VIDAL BOLAÑO. TAMÉN LEVAMOS PREPARANDO, AO LONGO DESTE TEMPO, UNHA POESÍA TAL E COMO FIXEMOS O ANO PASADO. O MARTES 14 DE MAIO ESTIVEMOS PRESENTANDO AS NOSAS POESÍAS A TODOS E TODAS AS NENAS DE EDUCACIÓN INFANTIL. FIXÉMOLO MOI BEN E COMO RECOMPENSA POLO NOSO TRABALLO, DÉRONNOS UN AGASALLO. POR CERTO, MAÑÁ CELEBRAREMOS O DÍA DAS LETRAS GALEGAS CON TODO O COLEXIO. ÍMOLO PASAR MOI BEN XA QUE TEREMOS UNHA FESTA COA CANTANTE UXÍA E AS CANCIÓNS DE MARÍA FUMAçA.

IMOS PARTICIPAR NO CERTAME DE POESÍA!

ANDAMOS AGORA CUNHA NOVA TAREFA: PREPARAR POESÍAS PARA O CERTAME DE POESÍA DO COLEXIO.
VAN SAÍRNOS UNHAS POESÍAS XENIAIS!

ANIMACIÓN AO LIBRO "COMO EL PERRO Y EL GATO"

ESTIVEMOS LENDO O CONTO "COMO EL PERRO Y EL GATO".
É UN LIBRO CUNHAS ILUSTRACIÓNS MOI BONITAS.
CONTA A HISTORIA DUN CAN E DUN GATO QUE NON SE LEVAN DE TODO BEN... PERO...
QUE SE FAN AMIGOS.
ESTES DÍAS TIVEMOS UNHA ANIMACIÓN PARA ESE LIBRO. MIRÁDENOS NESA SESIÓN:

NA SEMANA DO LIBRO FIXEMOS DE CONTADORAS E CONTADORES

NA SEMANA DO LIBRO NO COLEXIO, AS NENAS E OS NENOS DE TODAS AS CLASES CONTARON CONTOS. HABÍA CONTOS MÍNIMOS E CONTOS ACUMULATIVOS.
NÓS PARTICIPAMOS INDO ESCOITAR OS CONTOS DAS OUTRAS CLASES PERO... TAMÉN CONTAMOS NÓS!
OS NOSOS ERAN CONTOS MÍNIMOS.
PRIMEIRO TRABALLAMOS NÓS NA CLASE E ENSAIAMOS, DESPOIS CONTAMOS:

OS CONTOS TITULÁBANSE “ A abella” e “Un rato e un elefante”:

MIRÁDENOS NO VÍDEO:

ANIVERSARIOS ABRIL

COMEZOU POR FIN A PRIMAVERA AÍNDA QUE ESTE ANO ESTÁ UN POUQUIÑO CHUVIOSA. AÍNDA ASÍ ..., MIRADE QUE FLORES TAN BONITAS SAÍRON NO XARDÍN DO COLEXIO VILAVERDE!. TODAS E TODOS TEÑEN 5 PÉTALOS. MOITÍSIMAS FELICIDADES A TODOS E TODAS!!

SEMANA DA PRENSA

AO LONGO DESTA SEMANA IMOS TRABALLAR SOBRE A PRENSA, PARA ISO É NECESARIO QUE OS NENOS E NENAS TRAIAN AO COLEXIO UN XORNAL PARA TRABALLAR NEL
ALGÚNS E ALGUNHAS XA TROUXERON UN, PERO NECESITAMOS PARA ALGUNHAS ACTIVIDADES QUE TODOS E TODAS TEÑAN CADANSEUS XORNAIS, PORQUE LAMPI NOS MANDOU UNHA CHEA DE TAREFAS QUE FACER!.

TRABALLAMOS AO REDOR DO DÍA DO LIBRO

ESTA SEMANA CELÉBRASE O DÍA DO LIBRO E NÓS, COMO O RESTO DO COLEXIO, IMOS IR FACER DE CONTADORAS E CONTADORES DE CONTO.
TEMOS PREPARADO UN CONTO MÍNIMO... XA VEREDES QUE BEN O FACEMOS

VISITA A APÍPOLIS

XA ESTAMOS DE NOVO NO COLEXIO DESPOIS DA EXPERIENCIA DE ONTE.
TEMOS MOITÍSIMAS GANAS DE CONTARVOS TODO O QUE FIXEMOS, ASÍ QUE, AÍ VAI:
AÍNDA QUE XA SABIAMOS MOITAS COUSAS SOBRE ABELLAS, EN APÍPOLIS APRENDEMOS UNHA MOREA MÁIS PORQUE ALÍ PUIDEMOS VER AS ABELLAS NO SEU HÁBITAT.
VISITAMOS O APIARIO,  ENTRAMOS DENTRO DEL E ESTIVEMOS COAS ABELLAS. PERO NON NOS FIXERON NADA PORQUE LEVABAMOS POSTOS UNS TRAXES DE APICULTORES E APICULTORAS.
NO APIARIO VIMOS AS CELAS ONDE GARDAN O MEL E MESMO VIMOS ALGUNHAS LARVAS QUE ESTABAN MEDRANDO.
AS E OS "PROFES" DICÍANNOS QUE ESTABAMOS MOI GUAPOS E GUAPAS.
AXUDAMOS A SACAR O MEL DOS CUADROS QUE HAI NAS COLMEAS, PROBAMOS O MEL, FIXEMOS UNHA CANDEA CON CERA, E TAMÉN FIXEMOS UNHAS GALLETAS.

POR CERTO ... LEVAREMOS O MEL E A CANDEA A CASA O LUNS PORQUE O XOVES Á VOLTA DA SAÍDA E O VENRES COAS CARPETAS FOMOS UN POUCO CARGADOS

UNHA NOVA ACTIVIDADE PARA SABER MÁIS DAS ABELLAS

COMO RECOÑECER UN INSECTO

CANDO VOS ATOPEDES CUN ANIMAL E NON SAIBADES SE É OU NON UN INSECTO, FIXÁDEVOS BEN NO SEGUINTE:

• SE TEN 6 PATAS, SÍ É UN INSECTO. (SE TEN MÁIS OU MENOS, NON É INSECTO)
• O SEU CORPO TEN 3 PARTES: CABEZA, TÓRAX E ABDOME.

NÓS XA SABEMOS RECOÑECELOS.

VISITA Á BIBLIOTECA DE LAMPI

LAMPI ENTEROUSE DE QUE ESTABAMOS APRENDENDO COUSAS SOBRE OS INSECTOS E COMO NA SÚA BIBLIOTECA HAI VARIOS LIBROS SOBRE ELES, DECIDIU BOTARNOS UNHA MAN.
DENTRO DOS LIBROS QUE EL PENSABA QUE NOS PODÍAN SER ÚTILES, DEIXOUNOS UNHA FOTOGRAFÍA SÚA PARA ASÍ PODER ATOPALOS MELLOR.
CON TODA A INFORMACIÓN QUE ATOPAMOS SEGUIREMOS APRENDENDO MÁIS COUSAS SOBRE ESTES ANIMAIS. XA VOS IREMOS CONTANDO.
POR CERTO, GRACIÑAS LAMPI!

ANIVERSARIOS DE MARZO

DESPOIS DAS VACACIÓNS DE PASCUA E Á VOLTA DO COLEXIO, TEMOS TAREFAS PENDENTES. ADEMAIS DE SEGUIR APRENDENDO COUSAS TEMOS QUE FESTEXAR OS ANIVERSARIOS DALGÚNS NENOS DAS CLASES DE 4 ANOS OU, PENSABADES QUE NOS ESQUECERAMOS DELES? POIS NON!! MOITÍSIMAS FELICIDADES!!

CHEGOU A PRIMAVERA

HOXE ENTROU A PRIMAVERA...
E DEIXÁRONNOS NA PORTA UNHA FLOR DE GLOBOFLEXIA.
ESTABA PRECIOSA!
NA PRIMAVERA OS INSECTOS DÉIXANSE VER MOITO MÁIS...
ASÍ QUE IMOS PODER SEGUIR INVESTIGANDO NELES: SALTÓNS, CHICHARRAS, FORMIGAS, XOANIÑAS, ABELLAS,...

MENTRES NON REMATAMOS AS NOSAS INVESTIGACIÓNS, IDE XOGANDO CO XOGO DAS ABELLAS QUE VOS DEIXAMOS NO ENLACE.

ANIVERSARIOS FEBREIRO

REMATOU FEBREIRO, O MES MÁIS PEQUERRECHO DO ANO. AÍNDA ASÍ, E DESPOIS DE ASISTIR Á EXPOSICIÓN ORGANIZADA POLOS ALUMNOS E ALUMNAS DE 5º DE PRIMARIA, TIVEMOS UN POUQUIÑO DE TEMPO PARA FELICITAR E FESTEXAR O ANIVERSARIO DOS NOSOS COMPAÑEIROS E DAS NOSAS COMPAÑEIRAS. MOITÍSIMAS FELICIDADES A TODAS E A TODOS!!

VISITAMOS UNHA EXPOSICIÓN DE 5º

AS NENAS E OS NENOS DE 5º ELABORARON UNHA EXPOSICIÓN SOBRE FERRAMENTAS E ÚTILES DA PREHISTORIA.
CONVIDÁRONNOS A VISITALA E ALÁ FOMOS.
VIMOS MOITAS COUSAS E FALAMOS DA VIDA HAI MOOOOOOITO TEMPO.

XA ESTÁ LISTA A MÁQUINA DE FERRAMENTAS

ESTAMOS UN POUCO ABRAIADOS E ABRAIADAS ANTE A APARICIÓN DUNHA MÁQUINA MOI RARA NO COLEXIO.
NINGUÉN SABE NADA DELA, NIN PARA QUE SERVE, NIN COMO FUNCIONA, ... ANTE TODAS ESTAS DÚBIDAS COMEZAMOS A INVESTIGAR.
ASÍ OS NENOS E AS NENAS DE CATRO ANOS CHEGAMOS Á CONCLUSIÓN DE QUE ESTA MÁQUINA QUIZAIS PODA SERVIR PARA FACER LETRAS, FACER XOGUETES, FACER NÚMEROS, ETC.
E QUE PASARÁ SE A MÁQUINA SE ESTRAGA?
NON PASARÁ NADA PORQUE ENTRE TODOS E TODAS DECIDIMOS FACER UNHA CAIXA DE FERRAMENTAS CON TODOS OS UTENSILIOS NECESARIOS PARA ARRANXALA E COS NOMES DAS PARTES MÁIS IMPORTANTES DELA.
ASÍ, SE VOS ATOPADES CUN APARELLO PARECIDO, PODEREDES SABER COMO FUNCIONA.

A NOSA MÁQUINA ACABA DE DESAPARECER DO COLEXIO, MAIS SEGURO QUE A ATOPAREDES NALGÚN SITIO DE PONTEVEDRA.

INVERNO E BOSQUE: FORMIGA E CIGARRA

UN NOVO PROXECTO NOS AGARDA... PODEMOS IR ADIANTÁNDONOS CON ESTA HISTORIA
 

FIXEMOS PARA A MÁQUINA

TAL COMO NOS PEDÍA A MASCOTA FIXEMOS:

•  A MALETA DE FERRAMENTAS PARA A MÁQUINA

E

• O MANUAL DOS NOMES DAS PARTES DA MÁQUINA.

OUTRA MÁQUINA NO COLEXIO!!!

HOXE, AO CHEGAR POLA MAÑÁ ATOPAMOS UNHA MÁQUINA NOVA NO CORREDOR

É UNHA MÁQUINA RARA, E COMO SEGURO QUE TEN AVARÍAS, NÓS IMOS FACER A SÚA MALETA DE FERRAMENTAS E ADEMAIS IMOS POÑERLLE NOMES ÁS PARTES DA MÁQUINA. SEGURO QUE SE TEN CAIXA DE FERRAMENTAS SERÁ MÁIS FÁCIL DE VENDER. ASÍ PODEREMOS DESFACERNOS DELA CANTO ANTES

ENTROIDO 2013

E XA POR FIN CHEGOU O GRAN DIA. AQUÍ ESTAMOS TODOS OS NENOS E NENAS DO "COLE", POR SUPOSTO OS DE 4 ANOS TAMÉN, FESTEXANDO O ENTROIDO. NO NOSO BLOG HAI ALGUNHAS FOTOS DE INFANTIL DE 4 ANOS PERO SE QUEREDES VER MÁIS, TEDES ADEMAIS O BLOG DO COLEXIO. NÓS GOZAMOS MOITÍSIMO, E VÓS? ESPERAMOS QUE TAMÉN.
NESTE ENTROIDO O TEMA DOS DISFRACES NO COLEXIO É "MÁQUINAS". ASÍ QUE NÓS DECIDIMOS DISFRAZARNOS DE MÁQUINAS DE FOTOS.
ESTAMOS XENIAL, SOMOS MÁQUINAS DE MOITAS CORES.
VILAVERDIÑO ESTIVO TODO O TEMPO MIRANDO O QUE SUCEDÍA NA FESTA E AO FINAL QUEIMÁMOLO.

XA CHEGOU O GALO VILAVERDIÑO

ESTA MAÑÁ CHEGOU AO "COLE" O GALO VILAVERDIÑO. ESTE ANO A SÚA PLUMAXE NON É MOI ABUNDANTE E VAI PASAR UN POUCO DE FRÍO. PARA QUE NON SE ARREFRÍE, ÍMOSLLE POÑER UNHAS CANTAS PLUMAS MÁIS A VER SE ASÍ ESTÁ MÁIS QUENTIÑO.

XA CHEGA O ENTROIDO

ESTÁ A PIQUES DE CHEGAR O GALO VILAVERDIÑO. AÍNDA NON TEN PLUMAS PERO NÓS IMOS AXUDARLLE A CONSEGUILAS.
TEMOS UNHA MOREA DE PLUMAS QUE RECORTAR E É UN POUCO DIFÍCIL.
A ALGÚNS NON SE NOS DÁ NADA MAL E OUTROS TEMOS QUE PRACTICAR UN CHISQUIÑO MÁIS.



TAMÉN ESTAMOS A FACER OS DISFRACES. ESTE ANO IMOS DE MÁQUINA DE FOTOS E NECESITAMOS A VOSA AXUDA PARA RECORTAR UNS CÍRCULOS E  CONSTRUIR O ZOOM  E O FLASH. TAMÉN TEMOS QUE CORTAR O SACO-TRAXE Á NOSA MEDIDA.
NO COLE, OS PROFES E NÓS ACABAREMOS DE MONTAR O DISFRACE PERO É MOI IMPORTANTE QUE:
1. NO SACO DE PLÁSTICO NON PEGUEDES OS CÍRCULOS, NAS INSTRUCCIÓNS QUE VOS ACHEGAMOS NON DI NADA DE PEGAR CÍRCULOS NO SACO DO TRAXE.
2. A PROFE ESTHER REUTILIZOU AS BOLSAS DOS MATERIAIS QUE TROUXESTES A PRINCIPIO DE CURSO PARA LEVAR O DISFRACE A CASA, POR ISO ALGUNHAS BOLSAS NON COINCIDEN CO NOSO NOME. O IMPORTANTE É O QUE VAI DENTRO DELAS.

GRACIÑAS POLA VOSA AXUDA.

ANIVERSARIOS DE XANEIRO.

COMEZAMOS O NOVO ANO CELEBRANDO QUE DOUS NENOS FIXERON OS PRIMEIROS CINCO ANOS DESTE 2013. MOITAS FELICIDADES!!

NO TEATRO

ESTE LUNS, 28, FOMOS AO TEATRO. CON ESTA SAÍDA REMATAMOS DE TODO O PROXECTO DA GRANXA.
FOMOS VER UNHA OBRA, PÍO.
NON VOS PODEMOS POÑER A OBRA, PERO SI ALGUNHA FOTO DO EVENTO E NOSA NO  TEATRO.

DIA DA PAZ 2013

OS PROFES CONTÁRONNOS UN CONTO TITULADO "A IDEA DE DIANA". DIANA É UNHA NENA QUE QUERE TRANSFORMAR AS PALABRAS FEAS QUE DIN AS PERSOAS EN MENSAXES E CUALIDADES POSITIVAS. COA AXUDA DE TEODORA, INVENTAN UNHA MÁQUINA. TODOS TEMOS ALGUNHA CUALIDADE POSITIVA, POR ISO, AO LONGO DESTA SEMANA TRABALLAREMOS NA AULA AS CUALIDADES POSITIVAS QUE NOS GUSTAN DOS DEMAIS PARA DESPOIS ENVIARLLES AOS COMPAÑEIROS UNHA TARXETA QUE LLES FAGA UN POUQUIÑO MÁIS FELICES. TAMÉN ENVIAREMOS UNHA TARXETA A ALGUÉN DA FAMILIA. O DIA DA PAZ SAIREMOS TODOS LOS NENOS E NENAS DO COLE, E TAMÉN OS PROFES, COAS TARXETAS SORPRESA PARA CELEBRALO.

OS NOSOS NOMES LEVAN CUALIDADES POSITIVAS

DENDE HAI UNS DÍAS ESTAMOS TRABALLANDO COS NOSOS NOMES DUN XEITO DIFERENTE...
SABEDES QUE OS NOMES LEVAN DENTRO CUALIDADES POSITIVAS?
MIRADE!

A	MABLE
N	OBLE
A	GARIMOSA

A TODA MÁQUINA!

NESTE TRIMESTRE IMOS A TODA MÁQUINA.
TODO O COLEXIO TRABALLA SOBRE OS DIFERENTES TIPOS DE MÁQUINAS E NÓS NON PODEMOS SER MENOS.
SABEMOS MOITAS COUSAS SOBRE MÁQUINAS E ATA SABEMOS CLASIFICALAS. HAI MÁQUINAS DE RÚA, DE CASA, DE GRANXA, DE...

TAMÉN NO COLEXIO INVENTAMOS MÁQUINAS.
INVENTAMOS UNHA MÁQUINA PARA A PAZ, UNHA MÁQUINA AMABLE QUE SÓ FUNCIONA CON CUALIDADES POSITIVAS.
ASÍ QUE TEMOS QUE TRAER MOITAS CUALIDADES POSITIVAS PARA FACELA FUNCIONAR E QUE REMITA MENSAXES DE PAZ.
AXUDÁDESNOS?

UN AGASALLO DOS REIS MAGOS

ANTES DE COMEZAR AS CLASES OS REIS AGASÁLLANVOS CON ESTES VÍDEOS EN DIFERENTES IDIOMAS PARA QUE VOS DIVERTADES UN CHISQUIÑO.





PARA VER MÁIS...