ADEMAIS DE TRABALLAR AO REDOR DO APALPADOR... ADORNAMOS AS CLASES!

NESTES DÍAS ESTAMOS A TRABALLAR SOBRE PERSONAXES TRADICIONAIS DO NADAL GALEGO.
APARECEU POLAS AULAS O APALPADOR E ANDAMOS A INVESTIGAR SOBRE EL.
ADEMAIS ESTAMOS ADORNANDO AS CLASES PARA A FESTA...

UN NOVO PROXECTO SOBRE ANIMAIS

ANDAMOS NA CLASE COMEZANDO UN NOVO PROXECTO...
ESTE PROXECTO NOVO TRATA SOBRE OS ANIMAIS.
AXUDÁDESNOS A ATOPAR INFORMACIÓN?

LAMPI LÉVANOS A CLASE UNHA TIRA CÓMICA

HOXE LAMPI FÍXONOS UN AGASALLO: TRÓUXONOS UNHA TIRA CÓMICA DE MAFALDA.
SABEDES POR QUE?
PORQUE HOXE É O DÍA DA BIBLIOTECA E QUIXO CONVIDARNOS A VISITALO, NA BIBLIOTECA TENNOS PREPARADAS MÁIS TIRAS CÓMICAS PARA LER.

E TRABALLAMOS UNHA FESTA DESTA ESTACIÓN: O SAMAÍN

NESTES DÍAS COMEZAREMOS A TRABALLAR O SAMAÍN: QUE É , QUE REPRESENTA, QUE ELEMENTOS TEN.

ÁRBORES DE OUTONO

SEGUIMOS TRABALLANDO AO REDOR DO OUTONO: FESTAS, ELEMENTOS VEXETAIS, CANCIÓNS, FROITOS,...
FIXEMOS UNHA ÁRBORE CON PAPEL E COLOREAMOS AS FOLLAS COAS CORES DESTA ESTACIÓN. PEGAMOS AS FOLLAS NAS PÓLAS DA ÁRBORE.
ESTADE ATENTAS E ATENTOS PORQUE IMOS SEGUIR COMPLETANDO A NOSA OBRA!
OLLADE COMO VAI:

HOXE CHEGOU ANTÍO

ANTÍO CHEGOU CUN CARTEL QUE DI ALGO SOBRE O MAGOSTO.
NÓS SUXERÍMOSLLE O LIBRO

O NOSO PROXECTO VAI MEDRANDO

TROUXEMOS INFORMACIÓN SOBRE AS DIFERENTES PRAZAS DA NOSA CIDADE.

IMOS POÑELA EN COMÚN EN GRUPOS.
DESPOIS ELABORAREMOS FICHAS SOBRE CADA PRAZA PARA FACER UN LIBRIÑO.
XA VEREDES QUE BEN!

É TEMPO DE VENDIMA

ESTAMOS EN OUTONO, TEMPO DE VENDIMA.
NÓS TAMÉN VENDIMAMOS, PERO CUNHA ELABORACIÓN PLÁSTICA.
ELABORAMOS A NOSA CESTA DE UVAS E DESPOIS POSAMOS COA NOSA OBRA.

SEGUIMOS INVESTIGANDO SOBRE AS PRAZAS DE PONTEVEDRA

ESTAMOS MOI CONTENTAS E MOI CONTENTOS...
SABEDES AQUEL PROXECTO QUE INICIAMOS O CURSO PASADO?
POIS ESTE CURSO IMOS AMPLIALO XUNTO COS BOLECHAS.
XA ESTAMOS A INVESTIGAR.
XA VEREDES CANTA AXUDA TEREMOS DAS FAMILIAS!

MAMÁS E PAPÁS VEÑEN Á ESCOLA PARA UNHA XUNTANZA

AS MAMÁS E OS PAPÁS TIVERON UNHA XUNTANZA CO PROFESORADO PARA COÑECER QUE IMOS APRENDER ESTE ANO.
XA ESTAMOS EN PERÍODO OBRIGATORIO DE ESCOLARIDADE E TEMOS MOITAS NOVIDADES... E POR SUPOSTO MOOOOOOITAS COUSAS XA COÑECIDAS. MAMÁ E PAPÁ TIVERON OPORTUNIDADE DE COMPROBALO TODO.

LEVAMOS UNHAS SEMANAS DE MOITA ACTIVIDADE

COMEZAMOS NA NOVA CLASE
COÑECEMOS ÁS NOVAS TITORAS
RECIBIMOS CARTA DAS MASCOTAS QUE ANDAN MOI ATAREFADAS CON ISO DA CIDADE DO FUTURO...

TITÍ E KICO AGARDÁMOSVOS EN 1º

OLA!
SOMOS TITÍ E KICO, XA ESTAMOS NAS VOSAS NOVAS CLASES DE 1º.
ESTAMOS FELICES!
XA TENDES TODO PREPARADO?
NESTE CURSO IMOS TRABALLAR MOITO E TAMEN IMOS TER NOVAS EXPERIENCIAS...
PASASTES BEN AS VACACIÓNS?
NÓS SI, ESTIVEMOS EN MASCOTILANDIA E NOUTROS LUGARES, LEMOS MOITAS AVENTURAS E HISTORIAS, DEBUXAMOS, FIXEMOS FOTOS, ESCRIBIMOS CARTAS,...
FALANDO DE CARTAS... TEREMOS UNHA CARTA PARA VÓS NAS CLASES NOVAS.
DEICA O DÍA 10!

REMATAMOS INFANTIL

ESTE CURSO REMATAMOS EDUCACIÓN INFANTIL.
O VINDEIRO CURSO VERÉMONOS EN PRIMEIRO.
BO VERÁN!

PARA DESPEDIRNOS ...

E XA PARA REMATAR O PROXECTO QUE COMEZAMOS SOBRE PONTEVEDRA, AÍ VAN UNHAS FOTOS DOS NENOS E NENAS CUN GORRO ANTIGO DE POLICÍA (DE CANDO PASABAN COCHES POLA PEREGRINA) QUE NOS EMPRESTOU A FAMILIA DE LUCAS...
MOITAS GRAZAS!..

ANIVERSARIOS XUÑO E XULLO

XA REMATADO O CURSO NON NOS PODEMOS ESQUECER DE FELICITAR A ESAS NENAS E NENOS QUE NESTE MES FIXERON 6 ANOS..
POR SUPOSTO, AÍNDA QUE XA NON TEÑAMOS COLEXIO, AS NENAS E NENOS QUE CUMPREN OS 6 ANOS EN XULLO TAMPOUCO QUEDARÁN SEN RECIBIR OS PARABÉNS POLA NOSA PARTE..
ASÍ QUE ... UN GRANDÍSIMO      FELICIDADES!  , PARA TODOS E TODAS..

ROTEIRO DOS BOLECHAS POR PONTEVEDRA

DESPOIS DE APRENDER COUSAS SOBRE A CIDADE DE PONTEVEDRA CO NOSO PROXECTO, REALIZAMOS UN PERCORRIDO POLA CIDADE PARA VER TODOS LOS LUGARES QUE PREVIAMENTE XA COÑECIAMOS.
EMPEZAMOS NA PEREGRINA,ESTIVEMOS NAS PRAZAS DA FERRERÍA E DA ESTRELA, NA PRAZA DE MÉNDEZ NÚÑEZ, APRENDEMOS OS SEUS NOMES ANTIGOS ... E TAMÉN VISITAMOS A IGREXA DE SANTA MARÍA COAS "PROFES".

ADEMAIS DE FACER ESTA VISITA GUIADA, TAMÉN TIVEMOS TEMPO DE TOMAR O O NOSO BOCADILLO PRETO DO PARQUE DA ALAMEDA PARA REPOÑER FORZAS...E POR SUPOSTO, XOGAR UN POUQUIÑO.

PORTÁMONOS SUPERBÉN!

E FOMOS VISITAR 1º

COMO PARTE O PLAN DE ACOLLIDA, FOMOS VISITAR 1º.
 NÓS IMOS ESTAR NESAS CLASES O CURSO VINDEIRO!
ENSINÁRONNOS OS SEUS MATERIAIS, OS SEUS TRABALLOS E CADERNOS.
TAMÉN VIMOS AS SÚAS AXENDAS...

ANIMACIÓN SOBRE O CONTO "EL CASTAÑO"

ESTAMOS A PIQUES DE REMATAR O TRABALLO SOBRE O LIBRO "EL CASTAÑO", DE JUAN BERRIO.
XA O TEMOS LIDO, COMENTADO E INCLUSO FIXEMOS ALGUNHAS ACTIVIDADES SOBRE EL.
PARA RECORDALO TIVEMOS UNHA ACTIVIDADE OFRECIDA POLA EDITORIAL MACMILLAN SOBRE "EL CASTAÑO" PRINCIPALMENTE, E TAMÉN SOBRE OUTROS CONTOS RELACIONADOS COAS ÁRBORES.
RAQUEL QUEIZÁS, A ANIMADORA DO CONTO, FÍXONOS GOZAR MOITÍSIMO COA SÚA REPRESENTACIÓN.

ANIVERSARIOS DE MAIO

CON MAIO CHEGA O CALOR, OS PASEOS POLA PRAIA, AS ÁRBORES EMPEZAN A ENCHERSE DE FOLLAS E DE FLORES, ....
SI, XA SABEMOS QUE ESTE ANO AÍNDA NON TIVEMOS BO TEMPO, PERO POLO MENOS PODEREMOS GOZAR FESTEXANDO OS ANIVERSARIOS DESTAS NENAS E NENOS, QUE PARA ISO ACABAN DE CUMPRIR 6 ANOS!.
O DEMAIS XA CHEGARÁ!.
MOITÍSIMAS FELICIDADES!.

SESIÓN DE CONTACONTOS NA BIBLIOTECA

O VENRES A PROFE LOLA CONTOUNOS O CONTO "A RATIÑA PRESUMIDA", ERA UN POUCO DISTINTO AO QUE NÓS COÑECÍAMOS, POIS NESTA VERSIÓN DE KALANDRAKA OS PERSONAXES DO CONTO SON INSTRUMENTOS MUSICAIS, E CLARO LOLA COMO É A PROFE DE MÚSICA FÍXOO XENIAL E FÍXONOS PARTICIPAR A TODOS E TODAS. FOI MOI DIVERTIDO.

UNHA EXCURSIÓN POR PONTEVEDRA COPIANDO AOS BOLECHAS

IMOS IR DENTRO DUNHAS SEMANAS VISITAR PRAZAS DE PONTEVEDRA COMO FAN OS BOLECHAS NO SEU LIBRO.
NA CLASE ESTAMOS PREPARANDO ESA SAÍDA...
AXUDARÉMOSNOS CON ESTE VÍDEO:

Bolechas de excursión por pontevedra from xianadecide

CELEBRAMOS O DÍA DAS LETRAS GALEGAS

O VENRES FOI UN DÍA ESPECIAL,GOZAMOS COA ACTUACIÓN DE MAGÍN BLANCO E O SEU ESPECTÁCULO "A NENA E O GRILO NUN BARQUIÑO". PASÁMOLO XENIAL, SABIAMOS TODAS AS CANCIÓNS POIS ESTIVERÁMOLAS PREPARANDO COA PROFE LOLA.VELAQUÍ UNHAS FOTOS.
.
E... HOXE POLA MAÑÁ, TODO O CICLO DE EDUCACIÓN INFANTIL BAIXOU AO PATIO PARA RECITAR AS POESÍAS QUE CADA CURSO TIÑA PREPARADAS POR MOR DO DÍA DAS LETRAS GALEGAS.
AÍNDA QUE O DÍA ESTABA UN POUQUIÑO FRESCO, PRONTO ENTRAMOS EN CALOR COAS POESÍAS DOS E DAS COMPAÑEIRAS, E TAMÉN COA ACTUACIÓN DO CORO.

RECITAMOS POESÍAS CURTAS

DESPOIS DO RECREO, TODO O CICLO DE INFANTIL REUNIUSE NO PATIO CUBERTO PARA RECITAR AS POESÍAS CURTAS QUE XA HAI TEMPO APRENDIMOS.
EMPEZARON RECITANDO OS NENOS E NENAS DE 3 ANOS, SEGUIRON OS E AS DE 4 ANOS E POR ÚLTIMO, TOCOUNOS A NÓS. OS E AS MAIORES DE 5 ANOS!!
AGORA,... A PREPARAR OS POEMAS PARA FESTEXAR O DÍA DAS LETRAS GALEGAS!

E IMOS ESCRIBIR CON CURSIVAS

ESCRIBIR CON LETRA CURSIVA É INTERESANTE, PERO ANTES TEMOS QUE APRENDER QUE:
- TEMOS QUE COLLER BEN O LAPIS
 - NON PODEMOS FACER OS TRAZOS DE CALQUERA MANEIRA
 - OS XIROS TEÑEN UNHA DETERMINADA DIRECCIÓN
 - AS LETRAS TEÑEN QUE IR ENLAZADAS
- NON LEVANTO O LAPIS CANDO ESCRIBO
-  ...
MIRADE ESTA PRESENTACIÓN

Para escribir mellor from eicinco

VISITAMOS AS AULAS DE 3 ANOS

COMO ESTAMOS ESTUDANDO SOBRE O CORPO HUMANO, ADEMAIS DE BUSCAR INFORMACIÓN NA CASA, NOS LIBROS, NOS VÍDEOS QUE VEMOS NA AULA, ETC, TAMÉN BUSCAMOS INFORMACIÓN DE NENAS E NENOS QUE XA TRABALLARON SOBRE EL..
NESTE CASO, VISITAMOS AS AULAS DE 3 ANOS A E B PARA QUE NOS CONTARAN TODO O QUE APRENDERON OS NENOS E AS NENAS SOBRE O CORPO, XA QUE O ESTUDARON HAI BASTANTE TEMPO..
FALÁRONNOS SOBRE OS SENTIDOS, OS MÚSCULOS, OS DIFERENTES APARATOS QUE TEN O CORPO, ....
APRENDIMOS COUSAS CURIOSAS E TAMÉN LLES BOTAMOS UNHA MAN DE CANDO EN VEZ, CANDO NON LEMBRABAN ALGUNHA COUSA. E POR SUPOSTO, LEMBRAMOS A NOSA AULA CANDO ENTRAMOS NO COLEXIO SENDO MOI PEQUERRECHOS..

OBRADOIRO DE ILUSTRACIÓN

ONTE VIÑERON AO COLE UN ESCRITOR DE CONTOS E UN ILUSTRADOR, ACTIVIDADE SUBVENCIONADA POLO CONCELLO.
CONTÁRONNOS O CONTO DUN GALO E UNHA GALIÑA, MENTRES O ESCRITOR ÍA CONTANDO O CONTO O ILUSTRADOR DEBUXABA UNHA ESCEA.
PARA REMATAR, CADA UN DE NÓS FIXO UN DEBUXO DA GALIÑA COAS INDICACIÓNS QUE NOS DABA O ILUSTRADOR.
QUEDÁRONOS UNS DEBUXOS XENIAIS. A QUE SI?

UNHA PREGUNTA APARECE NAS CLASES

NAS NOSAS CLASES APARECE UNHA PREGUNTA SOBRE XOSÉ MARÍA DÍAZ CASTRO...
AXUDARÉDESNOS A CONTESTALA?

DESPOIS SEICA IMOS GRAVAR A RESPOSTA EN VÍDEO!!!

ANIVERSARIOS DE ABRIL

E XA REMATADO O MES DE ABRIL TEMOS QUE FELICITAR A ESTAS NENAS E NENOS QUE MEDRARON,MEDRARON E MEDRARON ATA CHEGAR AOS 6 ANOS.
MOITÍSIMAS FELICIDADES !!!

SEMANA DA PRENSA

PARA CELEBRAR A SEMANA DA PRENSA, IMOS TRABALLAR SOBRE ELA E POR SUPOSTO, CON ELA.
HOXE ESTIVEMOS ESCRIBINDO POR EQUIPOS SOBRE O QUE PODIAMOS ATOPAR NUN XORNAL.
MAÑÁ TRABALLAREMOS CON XORNAIS ASI QUE, SE NA CASA TEDES ALGÚN, QUE AS NENAS E OS NENOS O LEVEN AO "COLE".
.
LAMPI ENVIOUNOS UNHA CARTA XUNTO CUN CONTO. NA CARTA SAÍA UNHA PALABRA UN POUCO RARA (RECENSIÓN, OU ALGO ASÍ) NON TEMOS NIN IDEA DE QUE SIGNIFICA PERO AO LONGO DA SEMANA SEGURO QUE O AVERIGUAMOS..

BO DÍA DO LIBRO!

O DÍA 23 DE ABRIL FOI ELIXIDO COMO DÍA INTERNACIONAL DO LIBRO, POIS COINCIDE ESA DATA COA DO FALECEMENTO DE TRES ILUSTRES ESCRITORES MIGUEL DE CERVANTES, WILLIAM SHAKESPEARE E  INCA GARCILASO DE LA VEGA.

OS MÚSCULOS, A OPCIÓN MÁIS VOTADA

HOXE, ANTES DE MARCHAR PARA A CASA, REUNÍMONOS NA AULA DA "PROFE" CLARA AS NENAS E NENOS DE 5 ANOS A E B PARA DECIDIR, AGORA QUE TEMOS ORGANIZADAS AS NOSAS CURIOSIDADES SOBRE O CORPO, SOBRE QUE EMPEZAREMOS A INVESTIGAR Á VOLTA.
PODIAMOS ELiXIR ENTRE O ESQUELETE, OS MÚSCULOS, DIFERENTES APARATOS (RESPIRATORIO, EXCRETOR, DIXESTIVO, REPRODUTOR) E OUTRAS PARTES SOBRE AS QUE TIÑAMOS DÚBIDAS PERO QUE NON PODIAMOS CLASIFICAR.
CADAQUÉN FOMOS DICINDO CAL ERA A NOSA PREFERENCIA.
QUEREDES SABER CAL FOI O RESULTADO?
A OPCIÓN MÁIS VOTADA FORON OS MÚSCULOS, POLO TANTO, Á VOLTA DE VACACIÓNS EMPEZAREMOS A INVESTIGAR SOBRE OS MÚSCULOS (PARA QUE SERVEN, COMO SON, COMO SE CHAMAN OS MÁIS IMPORTANTES, ETC, TODO O QUE SE VOS OCORRA).

VILAVERDIÑO MANDOUNOS UNHA CARTA

A MASCOTA DO COLE MANDOUNOS UNHA CARTA:
GÚSTALLE MOITO A POESÍA  PÍDENOS QUE LLE RECITEMOS ALGUNHA.
ASÍ QUE ESTAMOS A PREPARAR UN RECITADO PARA EL E PARA O RESTO DAS CLASES DO COLE.
XA VOS DIREMOS CAL É A NOSA POESÍA. TEMOS UNHA PARA CINCO ANOS A E OUTRA PARA CINCO ANOS B.

MURAL DAS MULLERES TRABALLADORAS

REMATADA XA A INVESTIGACIÓN SOBRE CHING-SHIH E MARY READ, RECOLLEMOS TODA A INFORMACIÓN NUN CARTEL QUE XA SE PODE VER NUN DOS CORREDORES DO CENTRO XUNTO COS DAS OUTRAS CLASES..

REMATAMOS O BOSQUE DE OMA

POR FIN REMATAMOS O NOSO PROPIO BOSQUE DE OMA!.
SÍ, XA SABEMOS QUE TIÑADES MOITAS GANAS DE VELO, PERO AS COUSAS BEN FEITAS NECESITAN O SEU TEMPO..
POR CERTO, ALGO RARO ESTÁ SUCEDENDO NEL. .
SERÁ QUE CHEGA A PRIMAVERA?.

ANIVERSARIOS DE MARZO

POR FIN ESTÁ AQUÍ A PRIMAVERA !E ISO QUE PARECE QUE ESTAMOS OUTRA VEZ NO INVERNO CON ESTE TEMPO..
PERO NON NOS POÑAMOS TRISTES PORQUE ESTAS NENAS E NENOS NON O MERECEN. XA FIXERON 6 ANOS E TEMOS QUE ESTAR MOI CONTENTOS, ASÍ QUE ....
FELICIDADES!!!!

VISITAMOS O SALÓN DO LIBRO DE PONTEVEDRA

O VENRES SUBIMOS AO AUTOBÚS MOI CONTENTAS E MOI CONTENTOS.
 ÍAMOS VISITAR O SALÓN DO LIBRO NO PAZO DE CULTURA.
CANDO CHEGAMOS SENTÁMONOS UN POUQUIÑO ATA QUE APARECEU ORBIL, FOMOS TODOS CORRENDO ABRAZALO.
DESPOIS LEVÁRONNOS A UNHA SALA ONDE NOS CONTARON CONTOS E, ATA FIXEMOS UNHA SOPA CON MOITOS INGREDIENTES.
PARA REMATAR VISITAMOS, COA AXUDA DE MONITORES, DIFERENTES SALAS E A EXPOSICIÓN DE TODOS OS TRABALLOS ELABORADOS POLOS COLEXIOS E TAMÉN O DO NOSO CENTRO

CANTO SABEMOS SOBRE O CORPO HUMANO?

PARA TRABALLAR SOBRE O NOSO PROXECTO AO REDOR DO CORPO HUMANO TEMOS QUE VER CANTO SABEMOS...
SEGURO QUE É MOITO... MAIS IMOS VELO.

POR GRUPOS, DEBUXAMOS NUNHAS SILUETAS, AS PARTES QUE NÓS SABIAMOS QUE TEÑEN OS NOSOS CORPOS. ISTO FOI O QUE SAÍU..

CHING-SHIH E MARY READ

CO GALLO DO 8 DE MARZO, DÍA DA MULLER TRABALLADORA INVESTIGAMOS NO CENTRO SOBRE DIVERSAS MULLERES E A SÚA CONTRIBUCIÓN Á HISTORIA , Á CIENCIA, Á NAVEGACIÓN, Á ASTRONOMÍA, Á MEDICINA,... E SABEDES? TAMÉN HOUBO MULLERES PIRATAS.
MIRADE CANTAS HAI!
EN CINCO ANOS IMOS INVESTIGAR SOBRE DÚAS MULLERES PIRATAS, CHING- SHIH E MARY READ.
DESPOIS DE VER TODA A INFORMACIÓN IMOS FACER UN MURAL CO TÍTULO "SE EU FOSE PIRATA...

MIRADE ALGUNHA DAS INFORMACIÓNS QUE NOS AXUDARON A RECOLLER NA CASA

UNHA DATA ESPECIAL EN MARZO

O 8 DE MARZO É UNHA DATA PARA FALAR DA IGUALDADE.

NA CLASE IMOS TELA MOI EN CONTA. 

LEREMOS ALGUNHA BIOGRAFÍA E REFLEXIONAREMOS SOBRE A NON DISCRIMINACIÓN.

DURANTE O MES IMOS INVESTIGAR SOBRE MULLERES QUE CONTRIBUÍRON COS SEUS ESTUDOS E TRABALLO AO DESENVOLVEMENTO DE ASPECTOS IMPORTANTES PARA A HUMANIDADE. 

QUEREDES AXUDARNOS?

MENTRES LEREMOS UNHA HISTORIA...

A FESTA DO ENTROIDO

ONTE TIVO LUGAR A FESTA DO ENTROIDO.
 LEVAMOS MOITAS SEMANAS TRABALLANDO SOBRE AS COMIDAS, OS PRATOS TÍPICOS DAS COMUNIDADES, AS ENSALADAS DE CONTOS... E CLARO... NON PODIAMOS IR CUN DISFRACE CALQUERA.
O DISFRACE DEBÍA RELACIONARSE COAS COMIDAS. FOMOS DE MESAS MOI BEN COLOCADAS, CON PRATOS, VASOS E DEMAIS ÚTILES.
MIRADE QUE POSTRES TAN RIOS ERAMOS!

ANIVERSARIOS FEBREIRO

A PIQUES DE REMATAR O MES MÁIS CURTO DO ANO E CO DISFRACE PREPARADO PARA O ENTROIDO, FELICITAMOS AS NENAS E AOS NENOS QUE ESTÁN DE ANIVERSARIO..
XA TEÑEN 6 ANOS!.
MOITÍSIMAS FELICIDADES A TODOS E TODAS!.

VILAVERDIÑO EMPEZA A TER PLUMAS

HOXE, AS NENAS E NENOS DE 5 ANOS, ESTIVEMOS POÑENDO AS NOVAS PLUMAS DO GALO VILAVERDIÑO.
ESTE ANO AS PLUMAS SON DE MOITAS CORES, ASÍ QUE O NOSO AMIGO VAI QUEDAR GUAPÍSIMO CON ELAS!.

AÍ CHEGA O ENTROIDO

ESTE ANO COAS COMIDAS, COCIÑANDO CONTOS, COS PRODUTOS TÍPICOS DAS COMUNIDADES, COAS ENSALADAS E TODO ISO...
DE QUE CREDES QUE IMOS DISFRAZARNOS?

A NOSA MASCOTA XA NOS ESCRIBÍU PARA LEMBRARNOS QUE CHEGA O ENTROIDO E TAMÉN RECIBIMOS DE LORETO UNHA NOVA PÁXINA... SABEDES QUE LEVA NO SEU PETO? LEVA FILLOAS E DISFRACES DE FROITAS.

ASÍ QUE NOS PUXEMOS MAN Á OBRA!... ESTAMOS TENTANDO FACER O NOSO DISFRACE E Á VEZ PREPARANDO AS PLUMAS PARA O GALO VILAVERDIÑO.
CANTO TRABALLIÑO!

ENSALADAS DE CONTOS E COMIDAS NOS CONTOS

NESTES DÍAS ANDAMOS CON MOITA TAREFA AO REDOR DOS CONTOS CLÁSICOS.
INVENTAMOS ENSALADAS DE CONTOS.
E AGORA ESTAMOS A COMPLETAR CONTOS POÑENDO COMIDAS E MENÚS.
VANNOS QUEDAR XENIAL!

IMOS AO TEATRO

ONTE,10 DE FEBREIRO, AS NENAS E NENOS DE 5 ANOS FOMOS AO TEATRO PRINCIPAL A VER A OBRA DE TEATRO "AURORA". NELA, AURORA, A RAÍÑA DAS CURUXAS, NECESITA AXUDA PARA TAPAR O SOL PORQUE LLE QUEIMA NA PEL. UNHA VEZ QUE O CONSEGUE, DECÁTASE DE QUE SEN SOL, AS FLORES NON MEDRAN E AS ÁRBORES NON DAN FROITO....

ANIVERSARIOS XANEIRO

COMEZAMOS OUTRA VEZ O CALENDARIO CO MES DE XANEIRO E PARA FESTEXALO, NADA MELLOR QUE FELICITAR AOS DOUS NENOS QUE FIXERON 6 ANOS.
MOITÍSIMAS FELICIDADES!!

LOITAMOS CONTRA O ACOSO COAS MANS

ESTE ANO, CELEBRAMOS A PAZ LOITANDO CONTRA O ACOSO.
AS MANS TEÑEN QUE SERVIR PARA ACARIÑAR, LER, ESCRIBIR, PARAR O ACOSO... NUNCA PARA PEGAR, EMPURRAR,...
LORETO DEIXOUNOS UNHAS HISTORIAS PARA QUE VEXAMOS O HORRIBLE QUE É ACOSAR.

A VISITA DE LORETO

LORETO, UNHA MULLER CUN ABRIGO CHEO DE PETOS, VISITA A NOSA CLASE DENDE HAI VARIOS DÍAS.
TEN NOS SEUS PETOS DE TODO: TOALLAS, RATOS, QUEIXOS,...
QUE MÁIS TERÁ NOS PETOS?

IMITANDO A AGUSTÍN IBARROLA

COMO NOS GUSTOU MOITO O BOSQUE DE OMA QUE PINTOU AGUSTÍN IBARROLA, NÓS TAMÉN QUIXEMOS PINTAR O NOSO BOSQUE. IMITAMOS A IBARROLA, PERO POÑÉNDOLLE O NOSO "TOQUE" PERSOAL. ESTÁMOLO PINTANDO POR EQUIPOS E A VERDADE É QUE ESTÁN QUEDANDO CHULÍSIMOS. XA OS VEREDES CANDO OS REMATEMOS..
SOMOS UNS ARTISTAS!!! .

NOVO PROXECTO

EMPEZAMOS TRIMESTRE E PROXECTO. DESPOIS DE TRABALLAR CO PAÍS VASCO AGORA APRENDEREMOS COUSAS SOBRE AS ILLAS BALEARES, ENTRE TODAS E TODOS DECIDIMOS O QUE QUEREMOS SABER:
ONDE ESTÁN SITUADAS?
COMO SE CHAMAN?
COMO É A SÚA BANDEIRA E O SEU ESCUDO?
QUE LINGUAS FALAN?
SE HAI PRAIAS, MONTAÑAS...?
QUE PEIXES VIVEN NO MAR MEDITERRÁNEO?
CALES SON AS COMIDAS OU PRODUTOS TÍPICOS?
PERSOAS FAMOSAS OU COÑECIDAS...
SE QUEREDES PODEDES AXUDARNOS APORTANDO INFORMACIÓN, FOTOS OU ALGÚN ENLACE INTERESANTE.