OS NOSOS DIARIOS DAS VACACIÓNS

DURANTE O VERÁN OS NENOS E AS NENAS GOZARON UN MONTÓN.
ALGÚNS E ALGUNHAS FORON Á PRAIA, OUTROS E OUTRAS VIAXARON, VISITARON AOS SEUS PRIMOS E AS SÚAS PRIMAS, ...
EN RESUMO, FIXERON UNHA MOREA DE COUSAS!
PARA NON ESQUECER TODO O QUE FIXERAN, ELABORARON UNS DIARIOS ONDE REFLECTIRON TODAS AS SÚAS VIVENCIAS.
AO LONGO DESTA SEMANA TIVEMOS A OPORTUNIDADE DE QUE ALGÚNS DESTES PEQUENOS ESCRITORES E DESTAS PEQUENAS ESCRITORAS NOS CONTASEN AS SÚAS EXPERIENCIAS.

ESTADES PREPARADAS E PREPARADOS PARA COMEZAR?

DENTRO DUNS DÍAS IMOS PODER VERNOS, SAUDARNOS, CONTARNOS O QUE FIXEMOS NAS VACACIÓNS...
A TITÍ E A KICO XA NON LLES DAN PASADO OS DÍAS VAN CADA POUCO AO CALENDARIO PARA VER CANTO FALTA...
DEICA O DÍA 12!

REMATOU O CURSO

E...
REMATOU O CURSO!!!!!
HOXE 22 DE XUÑO REMATA O CURSO PARA AS NENAS E OS NENOS.
TAMÉN AS MASCOTAS VAN DE VACACIÓNS DE VERÁN.
ONDE IRÁN DE VACACIÓNS?
PARA NON ESQUECER ESTE CURSO O MELLOR É CELEBRAR UNHA PEQUENA FESTA.

E POR CERTO ...
                                         FELIZ VERÁN!!

ÚLTIMOS ANIVERSARIOS DO CURSO

ESTE MES É UN POUQUIÑO RARO PORQUE ADEMAIS DE FESTEXAR OS ANIVERSARIOS DOS NENOS E NENAS DE XUÑO, PARA QUEN FAN 4 ANOS EN XULLO E AGOSTO TAMÉN LLES IMOS FACER A CELEBRACIÓN DOS SEUS ANIVERSARIOS. ASEMADE, UNHA GRAN APERTA PARA OS NENOS E NENAS DE XUÑO ... MIGUEL BOULLOSA, MATEO CARRASCO E NICOLÁS ... E OUTRA GRAN APERTA PARA OS NENOS E NENAS DE XULLO E AGOSTO! AITANA, BREIXO, NOAH, HUGO OTERO E ABEL. MOITÍSIMAS FELICIDADES A TODOS E TODAS!!

VAIA DÍA MÁIS INTENSO!

HOXE FOI UN DÍA MOI COMPLETO. PRIMEIRO VISITÁRONNOS OS NENOS E NENAS DE 4º A DE PRIMARIA PORQUE ESCRIBIRON UNHA OBRA DE TEATRO E QUERÍAN FACERNOS UNHA REPRESENTACIÓN. DESPOIS ENTRAMOS NA CLASE E A PROFE MAITE TRÓUXONOS UNHA SORPRESA... O CAN DE PACO ATOPOU UN OURIZO ENORME! ESTIVEMOS VENDO AO POBRIÑO (ESTABA TAN ASUSTADO QUE SE FIXO UNHA BÓLA) E INTENTANDO TOCALO PERO TIÑA UNHAS PÚAS TAN AFIADAS...

VISITA ÁS AULAS DE 4 ANOS

O CURSO ESTÁ A PIQUES DE REMATAR E O ANO QUE VÉN NON IMOS ESTAR NO MESMO LUGAR. ESTAREMOS NO "COLE" DE MAIORES! É POR ISO QUE O VENRES, AS "PROFES" E NÓS, FOMOS VER COMO SERÁN AS NOSAS AULAS. E SABEDES UNHA COUSA? SON ESTUPENDAS! HAI COUSIÑAS IGUAIS QUE AS QUE TEMOS NA NOSA CLASE PERO HAI MOITÍSIMAS MÁIS DIFERENTES. QUE BEN O PASAMOS!

ANIVERSARIOS DE MAIO

XA QUEDA POUQUIÑO PARA QUE O CURSO REMATE. AÍNDA ASÍ, OS NENOS E NENAS DAS AULAS DE 3 ANOS SEGUEN E SEGUEN MEDRANDO. NESTE MES DE MAIO FIXERON 4 ANOS ÁNGELA, JUAN FRANCISCO, LUCAS E JULIO. MOITÍSIMAS FELICIDADES A TODOS E A TODAS!!

ACTUACIÓN GRUPO PÉS DE LÁ

O DÍA 16, PARA REMATAR A CELEBRACIÓN NO "COLE" DO DÍA DAS LETRAS GALEGAS, TIVEMOS A ACTUACIÓN DO GRUPO PÉS DE LÁ. ESTIVEMOS ESCOITANDO AS CANCIÓNS, CANTANDO, BAILANDO, ... FOI UN FIN DE FESTA ESTUPENDO!!

XX CERTAME DE POESÍA

ESTA SEMANA TEMOS MOITO PARA TRABALLAR E FESTEXAR, E ISO QUE É CURTIÑA ... ADEMAIS DE COÑECER COUSAS SOBRE VALENTÍN PAZ ANDRADE, CELEBRAREMOS O 17 DE MAIO POR TODO O ALTO. PARA COMEZAR, HOXE MARTES PARTICIPAMOS NO XX CERTAME DE POESÍA DO "COLE". DIANTE DE TODOS OS NENOS DE INFANTIL TIVEMOS QUE RECITAR A POESÍA QUE INVENTAMOS NA CLASE. FIXÉMOLO BASTANTE BEN. APLAUDÍRONNOS E RECIBIMOS UN AGASALLO.

SEMANA DA PRENSA

OS NENOS E NENAS DE TRES ANOS XOGAMOS A SER PERIODISTAS POR UNS DÍAS DURANTE A SEMANA DA PRENSA. SABEDES QUE NOS XORNAIS TAMÉN HAI LETRAS, NÚMEROS, FOTOGRAFÍAS... PERO NON SO ISO, OS XORNAIS TAMÉN NOS CONTAN HISTORIAS REAIS. NÓS TAM´´EN FIXEMOS A NOSA APORTACIÓN.